JMA Mexikoko GDL azokan egon da
2022 Uztaila 15
Pixkanaka, Mexikon azoken agenda normaltasunera ari da itzultzen, eta horren isla da Guadalajaran egin den GDL azoka, non, oraingoan ere, parte hartu duen JMAk. Azoka potentzial handikoa izan da sektorearentzat, eta pandemiaren aurreko merkataritza harreman mailara gerturatu da.
JMAk ontzat eman du ekainaren 25 eta 26 egunetan izandako topaketa horretan parte hartzea. Nazioko proiekzioa duen azoka izanik, bertara hurbildu direnak mexikarrak ziren gehienbat, nahiz eta Costa Ricako eta Guatemalako bezeroak ere hurbildu diren. Hartan, makina bikoizgailuak, urrutiko aginteak eta sarrailagintzarekin lotutako bestelako produktuak ere erakutsi ziren.
NOMAD makina bikoizgailuaren aurkezpena azokan
Berrikuntzen artean, JMAk lehenengoz aurkeztu du Mexikoko azokan NOMAD makina bikoizgailua. Giltza-bikoizgailuen sektore profesionalak makina bikoiztaile, arin eta erraz horren ezaugarriak berretsi ahal izan zituen. Makina hori oso ondo egokitzen da Mexikoko merkatura, edozein lekutan, baita ibilgailuetan ere, giltza lauak bikoizteko aukera dagoelako. Erabiltzeko aukerak makinak dituen lau aldeko barailetara ere eramaten dira, giltzak bikoizteko ahalmena handitzen baitute.
Erakusketako beste makina bikoizgailu batzuk Berna, Vienna eta Neo izan ziren. Azken hori segurtasun-giltzak kopiatzeko da, eta lehenengo biak, aldiz, giltza lauak bikoizteko dira.
