JMAk aurten ere, Dorletako Ama jubenilen txirrindularitza taldea babestuko du.
2022 Apirila 29
Martxoan lehiaketen denboraldi berriari ekin zion Dorletako Ama txirrindularitza taldeak, eta Benjaminen, Alebinen eta Infantilen kategoriak aurkeztu zituen.
Arrasateko JMA instalazioen ondoan egin zen ekitaldian, txirrindulari gazteek haien entrenatzaileekin batera hartu zuten parte, eta lehiaketetara itzultzearen alde onak nabarmendu zuten, taldeak bi urtez lehiatu gabe egon ondoren, pandemiaren ondorioz.
Denboraldi berri honetan aurpegi berriak ikusiko ditugu, txirrindulari gazte berriak sartu baitira. “Hemen ditugun ikasleetako askorentzat txirrindularitza lehiaketa batean parte hartuko duten lehenengo aldia izango da gaur. Horrek urduri jarri ditu gazteak, baina parte hartzeko gogo handia, ilusioa eta ikasteko gogoa ere eragin die”, nabarmendu du Mikel Iribecampos entrenatzaileak.
Zentzu horretan, Iribecampos entrenatzaileak kategoria hauetan talde-lanaren garrantzia eta “bidea elkarrekin egiten ikasi beharra” nabarmendu du, biak ala biak Altuna ereduaren berariazko balioak.
Horregatik, aurten ere, JMAk gazteen kirola bultzatzen eta indartzen lagundu du, Dorletako Ama taldea babestuz, Benjaminen, Alebinen eta Infantilen kategorietan. JMAtik arrakastarik handiena eta zorterik onena opa diogu Dorletako Ama talde osoari.