JMAk UCES segurtasuneko sarrailagintzari buruzko III. Jardunaldi Teknikoan hartu du parte
2022 Uztaila 04
Topaketa ekainaren 17an eta 18an izan zen, Madrilgo Rafael Pirámides Hotelean.
Segurtasuna eta haren aplikazioak izan ziren UCESek, Segurtasuneko Sarrailagileen Elkargoak, antolatutako Segurtasuneko Sarrailagintzari buruzko III. Jardunaldi Teknikoetan. Hartan hartu zuten parte sarrailagintzarekin eta burdindegiarekin lotutako hainbat korporaziok, besteak beste JMAk, eta baita hainbat segurtasun adituk ere, Estatuko Segurtasun Indar eta Kidegoak tartean. Jardunaldietan, Estatu osoko sarrailagile profesionalek hartu zuten parte, UCESen bazkide zein elkartetik kanpoko beste profesional batzuk, aldez aurretik izena eman zutenak.
Hizlariek ordu erdi inguru zuten haien produktuak edo segurtasunarekin lotutako prestakuntzak aurkezteko. Horri esker, JMAk giltzak bikoizteko bere Supracode eta Multicode makina elektronikoak eta baita M-BT urrutiko aginteak ere aurkeztuko ditu.
Ikusmira handia zegoen Supracode berria ikusteko
JMAk aurkeztutako makina elektroniko bikoizgailu berriaren izena Supracode da, eta bertan egon zirenen artean sekulako ikusmira sortu zuen. Makina horrek, segurtasun giltzak bikoizteaz gain, langileak ezer egin gabe giltza kopiatzea ahalbidetzen du. Udaberri honetan atera da makina, eta JMA KEY PRO 2.0 softwarea dohainik izateko aukera dago 2022/12/31 aurretik egindako eskaerentzat.
Bestetik, Multicode makinak funtzio anitzeko makina baten bila zebiltzan profesionalen arreta erakarri du, hau da, “dena batean” makina, giltza lau, segurtasuneko eta automobilgintzakoentzat. Gainera, JMAren M-BT aginteek urrutiko aginteak kopiatzeko teknologia bezeroari gerturatzeko aukera erakutsi zuten. Bezeroak, hala, telefono mugikorraren eta JMAREMOTESPRO aplikazioaren bitartez, urrutiko agintea erraz kopiatzea lortzen du.
