JMA Australiako merkatuan sendotu da
2022 Azaroa 10
JMAk SIEPERekin batera hartu du parte MLAAren 40. Azokan, urriaren 20tik 22ra, Gold Coast hirian (Queensland).
Topaketa profesional hau, azokaren 40. urtemuga ospatzen zuena, bat egin du SIEPERen, JMAren Australiako banatzailearen 70. urtemugaren ospakizun bereziarekin. Bi konpainien arteko elkarlana etengabe joan da areagotzen, eta haren adierazle da JMAk Australian egiten ari den apustua.
JMAk oso ongi baloratu du bere agerraldia MLAA Expoan. JMAk Australiako merkatu oso berezi eta zorrotzari egokitzeko alde egin du, gogor, izan ere ezaugarri eta betekizun tekniko bereziak dituen merkatua baita. Topaketa honi esker, Australiako sarrailagintzaren merkatuko JMA produktu pertsonalizatuak ezagutzera eman dira.
Instacoderekin bateragarriak diren Multicodeak
Australiako merkatuaren berezko ezaugarrien artean, Instacodearen erabilera dago, europar merkatuko makina elektronikoen desberdinak diren datu-baseari konektatzeko softwarea. Horretarako, JMAk Multicode makina elektronikoa sistema horren ezaugarriei egokitu du, eta Instacoderekin guztiz bateragarria den makina bermatu du.
Multicodea Australiako merkatuari egokitzearen aukeraketa ez da kasualitatea izan, izan ere, giltza lauak, segurtasunekoak eta automobilgintzakoak bikoizteko “dena batean” makina baita. Moldakortasun handiagoa zehaztasun, bizkortasun eta potentzia handiarekin.
M-TC urrutiko agintea, Australiarako bakarrik baliagarria den JMAren produktu esklusiboa
JMAk Australiako merkatuarekin duen konpromisoaren adierazle da M-TC urrutiko agintea. JMAren gailu hau bakarra eta Australiarako bereziki garatutako gailua da, tokiko araudientzat, eta merkatu horren beharrei eta ezaugarriei egokitua.
Topaketan, urrutiko agintea aurkeztu zen, bide batez, eta baita herrialde honetan merkaturatutako ohiko M-BTak ere. Bi urrutiko aginteen artean jatorrizko kodeen % 95 inguru kopiatu daitezke. Aurkezpenaz gain, klonazioaren prozesua eta haren ezaugarriak ere azaldu ziren, eta profesionalei baliozko prestakuntza eskainiz.
