Baldintzak Erosteko

 

I.    Aplikazio-eremua

1.    Eskaerei aplikatuko zaizkien baldintza hauek JMA Alejandro Altuna, S.L.U. sozietarearen (aurrerantzean, “Eroslea”) eta zerbitzu-emailearen (aurrerantzean, “Hornitzailea”) artean sinatuko diren kontratu guztiei aplikatuko zaizkie, salgaiak entregatzeari edota Erosleari zerbitzuak emateari dagokienez, baita horiekin lotutako alderdiei eta zerbitzu gehigarriei (aurrerantzean, “Kontratua” eta “Entrega”) eta Eroslearen eskabideen eskaera eta onarpen guztiei ere.
2.    Hemen jasotako Eskaerei aplikagarri zaizkien baldintzak Hornitzaileak egingo dituen entregei buruzko geroko merkataritza-harreman guztiei aplikatuko zaizkie, nahiz eta berriro berariaz adostuko ez diren. Jarraian adieraziko diren xedapenen edo lege-xedapen aplikagarrien aurkakoak diren beste edozein baldintza, edo hemen jasotako xedapenak osatzen dituztenak, Eroslearen berariazko onarpena lortu gabe, ez dira lotesleak izango Erosle horrentzat. Gauza bera aplikatuko da Eroslea esanbidez baldintza horien aurka agertzen ez bada, edo entregak erreserbarik gabe onartzen baditu, horien aurkako baldintzak edo osagarriak badaudela jakin arren. Arreta-neurri gisa, egintza honetan baldintza horien aurka gaude.
3.    Eskaerei aplikagarri zaizkien baldintza hauek osagarriak dira, Erosleak eta Hornitzaileak sina dezaketen edozein esparru-kontratutan kontrakoa erabaki ezean. Eskaerei aplikagarri zaizkien Baldintzen eta esparru-kontratuaren arteko gatazkarik egonez gero, esparru-kontratuan xedatutakoa gailenduko da.  

II.    Eskariak

1.    Kontratu bat burutzeko, Hornitzaileak eskaintza bat egingo du, Erosleak aurkeztutako eta Erosleak idatziz onartutako eskari batean oinarrituta eskuarki; edo Erosleak egindako eskari baten bidez, Hornitzaileak idatziz onartzen duena edo Erosleak nahi bezala entregatzen duena (zati batean). Hornitzailea hilabete betez (1) egongo da bere eskaintzari lotuta.  
2.    Kontratua burutzen ez bada, Baldintza hauetan bildutako xedapenak aplikagarriak izango dira, hala ere, albo-betekizunei dagokienez, bereziki, konfidentzialtasun-akordioari eta itzultzen gaineko betekizunei dagokienez. 
3.    Ondasunek edota zerbitzuek zehaztapen gehigarriak behar badituzte, Hornitzaileak zehaztapen horiek idatziz eta behar den unean eskatuko ditu. 

III.    Entrega

1.    Adostutako entrega-epeak, entrega-egutegiak edo entrega-datuak lotesleak izango dira alderdientzat, eta horiek betetzea funtsezkoa izango da Kontratua betetzeko. Eskaera egiten den egunean hasiko dira entregatzeko epeak. Entrega bat baldintzarik gabe onartzea edo atzeratutako Entrega bat ordaintzea ez da dagozkion eskubideei uko egitea izango, entrega-epea betetzen ez bada.
2.    Hornitzaileak ezarritako epean Entrega arriskuan jar dezaketen egoera edo baldintzen berri izan bezain laster, Erosleari jakinarazi beharko dio idatziz, eta atzerapenaren arrazoiak adieraziko dizkio eta aurreikusitako iraupenaren berri emango. Gauza bera aplikatuko da Hornitzaileak ezagut ditzakeen egoera guztietan, baldin eta Erosleak ez badu horien berri, horiek nork eragin dituen kontuan hartu gabe. Hornitzaileak horien berri emateko betebeharra betetzen ez badu, Erosleari ez  jakinarazteagatik sortutako kaltea bere gain hartuko du, betebeharra ez betetzearen erantzule den edo ez alde batera utzita.   
3.    Hornitzaileak erosketa- edo eskaera-aginduan xedatutakoaren arabera ez badu Entrega egiten, edo Erosleari jakinarazten badio ez duela aurreikusitako entrega-data beteko, Erosleak eskubidea izango du erosketa- edo eskaera-agindua edo haren zati bat bertan behera uzteko, eta, horregatik, ezin zaio inolako kosturik edo erantzukizunik egotzi. Era berean, Erosleak eskubidea izango du Hornitzaileak aurreikusitako entrega-data ez betetzearen ondorioz izan ditzakeen kalte-galerak erreklamatzeko (lortu gabeko irabazia barne). Horrez gain, Erosleak eskubidea izango du Eskabidea osatzen duten produktuen/salgaien/zerbitzuen ordezko produktuak/zerbitzuak beste edozein hirugarreni erosteko, eta Hornitzaileari egotziko dizkio izango dituen kostuak.
4.    Kontrakorik adierazi ezean, eskabidean bertan ezarritako Entrega-baldintzetan hitzartutakoaren arabera egingo da Entrega. 
5.    Entrega eskabidean zehaztutako helbidean egin beharko da. Bidalketaren dokumentazioa Entrega-datan eskuragarri eta osorik egon beharko da, eta Entrega bakoitzak emate-agiri bat eraman beharko du berekin, eta horretan eskabide-zenbakia eta produktuaren balorazioa adieraziko dira. Hornitzailearen dokumentazio guztian fabrikaren datuak, saila, eskabide-zenbakia eta eskabidean eskatutako bestelako informazio osagarria jaso beharko dira. Hornitzaileak Entregari erantsiko dizkio normalizazio-erakundeek salgaien kalitate-mailak ziurtatzeko eta bermatzeko sortutako zehaztapen teknikoak arautzen dituzten arauek eskatzen dituzten ziurtagiri edota agiri guztiak edo betekizun espezifikoak.   
6.    Arriskua Hornitzailearengandik Erosleari transmitituko zaio salgaia Erosleari entregatzen zaion unean, adostutako prezioa eta bidalketa egiten edo kudeatzen duen pertsona edozein izanda ere. 
7.    Bilgarriaren materiala itzuli ahal izango da, eta, horretarako, Espainian bilgarriei buruz indarrean dagoen araudian xedatutakoa aplikatuko da. 
8.    Eroslearen adostasun esplizitua lortu ondoren bakarrik entregatuko dira kopuru partzialak. 
9.    Hornitzailearen alde jabari-erreserba bat aplikatzen bada, titulartasun-erreserba soil baten eragina izango du, eta Erosleak ahalmena izango du salgaia inolako murrizketarik gabe erabiltzeko eta prozesatzeko, atxikipen hori gorabehera. 

IV.    Ordainketa

1.    Erosleak eta Hornitzaileak berariaz kontrakoa adosten ez badute, prezioak finkoak izango dira, eta horiek zerga guztiak (baita dagokion balio erantsiaren gaineko zerga ere), tasak, aduana-eskubideak, aseguruak eta enbalaje- eta zamalanen kostuak barne edukiko dituzte.
2.    Bidalketa baztertzen duen prezio bat berariaz adosten bada, Erosleak garraio-kostu onuragarrienak baino ez ditu bere gain hartuko, garraioa beste modu batean egitea erabaki ez badu behintzat. Hornitzaileak bere gain hartuko ditu salgaia Erosleari entregatu arte sortutako kostu guztiak.
3.    Fakturak garraiotik bereizita bidaliko zaizkio Erosleari, eta Eroslearen eskura jarri beharko dira entregatu eta hurrengo hilabeteko lehen bost (5) egunetan. Hornitzaileak ez badu lehen adierazitako epea betetzen, fakturak hurrengo hilabetera atzeratuko dira, antzeko baldintzetan. Fakturek aurrez ezarritako erreferentzia guztiak jaso beharko dituzte, zehazki, eskaera-zenbakia, beherapenak –baleude-, kenkariak eta sortutako zergak. Faktura kolektibo bat egitea erabakiz gero, entregatu eta hurrengo hilabeteko hirugarren egun baliodunean bidali beharko da, beranduenez. 
4.    Erosleak eta Hornitzaileak berariaz kontrakorik adierazten ez badute behintzat, ordainketa eskabidean adierazitako moduan egingo da. 
5.    Erosleak oso-osorik baliatu ahal izango ditu legez ezarritako konpentsazio- eta atxikipen-eskubideak. Zehazki, ez du prezioa ordaintzeko betebeharrik izango zuzenketa bat erreklamatzeko eskubideari heltzen badio edo Hornitzaileak entrega partziala baino egin ez badu. Salbuetsita geratzen dira Hornitzailearen atxikipen- eta konpentsazio-eskubideak, salbu eta errekonbentzio bat jarri badu Eroslearen aurka, zeinari  inolako aurkakotasunik aurkeztu ez zaion, edo, hori aurkeztu arren, errekonbentzio hori behin betikoa eta legez onartu izan bada.
6.    Erosleak Kontratutik ondorioztatzen diren eskubide guzti-guztiak laga ahal izango ditu Hornitzailearen baimenik gabe. Hornitzaileak ez dizkie hirugarrenei lagako kontratu-harreman honen ondoriozko eskubideak Eroslearen aurretiazko eta idatzizko baimenik gabe. 

V.    Bermeak

1.    Salgaietan edota zerbitzuak ematean akatsik izanez gero, Eroslearen bermeak eta eskubideak indarrean dauden legezko xedapenen arabera arautuko dira, baita Eskaerei aplikagarri zaizkien Baldintza hauen arabera ere. Nolanahi ere, aurrekoak ez die eragingo kontratu-erreklamazioei eta Eroslearen eskubideei.
2.    Hornitzaileak salgaia entregatzen duenean, Erosleak epe egoki batean ikuskatuko du, salgai-mota (identitate-kontrola), garraio-kalteak eta ageriko kalitate- eta kantitate-desbideratzeak egiaztatzeko. Erosleak ez du beste ikuskapen gehigarririk egin beharko. Antzemandako akatsen jakinarazpena epearen barruan egindakotzat joko da, den-dena emanda, baldin eta Erosleak Hornitzaileari bidaltzen badio salgaia entregatu eta hurrengo hamar (10) egun naturalen barruan, eta Hornitzaileak jaso egiten badu. Ezkutuko akatsik izanez gero, horiek aurkitu diren egunean hasiko da jakinarazteko epea. V. klausularen (2.) atala aplikatuko zaie erosketa-kontratuei, obra-kontratuei, zerbitzu-prestazioei eta erosketa-hornidurei, obra-kontratuei eta zerbitzu-emateei eta hornidura-kontratuei.
3.    Entrega zuzenean Eroslearen bezeroari egiten bazaio, akatsen jakinarazpena zuzenean egin ahal izango dio Eroslearen bezeroak hornitzaileari nahiz Erosleak berak, lehen adierazitako moduan.
4.    Berehalako kaltea edo premia bereziko egoera badago, Erosleak akatsak zuzendu ahal izango ditu, bere kontura eta Hornitzailearen kontura, betiere, Hornitzaileak akatsak ordaintzeko erantzukizuna alde batera utzi gabe. Horrelakoetan, Erosleak aldez aurretik eman beharko dio Hornitzaileari akats horien berri, arrazoizko moduan eta ahal den neurrian. 
Halaber, Hornitzaileak salgaia entregatuko du eta eskatutako zerbitzuak emango ditu, Erosleak mugarik gabeko erabilera edo gozamena eragotz dezakeen hirugarrenen edozein eskubidetatik libre, salbu eta Erosleari hirugarrenen eskubide horiek daudela jakinarazi badio aldez aurretik edo Kontratua burutzerakoan. 
5.    Akatsengatiko erreklamazioak aurkezteko epea 36 hilabetekoa izango da, kalteak eta kalte-ordainak direla-eta egin beharreko erreklamazioak barne, aplikatu beharreko legeriak epe luzeagorik ezartzen ez badu behintzat. Kalte-ordainen erreklamazioak aurkezteko epe-muga eteteari buruzko lege-xedapenek ez dute inolako eraginik izango. Horiek horrela, arestian adierazitako epearen barruan akatsen bat dagoela jakinaraziz gero, epe hori eten egingo da Hornitzaileak eta Erosleak akatsa zuzentzeari eta horrek izan ditzakeen ondorioei buruzko akordioa lortu arte. Hala ere, etete hori 6 hilabete igaro ondoren amaituko da, Hornitzaileak akatsaren jakinarazpena behin betiko baztertzen duenetik zenbatzen hasita. Edonola ere, akatsengatiko erreklamazioak aurkezteko epemuga hiru hilabetekoa izango da gutxienez, aipatutako etendura amaitu eta gero, baina inolaz ere ez aurreko paragrafoan ezarritako epemuga amaitu baino lehen.  
6.    Akatsak zuzendu ondoren berriro entregatutako salgaiak edo berriro emandako zerbitzuak, 24 hilabeteko epeari lotuta egongo dira erreklamazioak aurkezteko. Hala ere, hasieran erabakitako gainerako epea luzeagoa bada, epe hori aplikagarria izango da.      

VI.    Kalitate, Osasun eta Segurtasunari buruzko betekizunak

1.    Hornitzaileak dagozkion legezko eta kontratuzko betebehar guztiak bete beharko ditu, eta, zehazki, entregatutako salgaien edo emandako zerbitzuen prozesamenduari eta erabilerari buruzko jarraibide egokiak jakinaraztekoa. Era berean, Hornitzaileak emandako bermeak eta hartutako konpromisoak bete beharko ditu, nahiz eta Eroslearen idatzizko kontratu-aitorpenean bereizita adierazi ez. Hornitzailea arduratuko da, halaber, salgaia  merkatuan kokatzeaz eta zerbitzuak ematearekin lotutako betebehar guztiak betetzeaz.    
2.    Hornitzaileak oro har onartutako arauei, kalitate-markei edo hornitzaileak salgaiak nahiz zerbitzuak helburu jakin baterako egokiak direla adierazteari buruz egindako aipamenak kalitate-akordio bat izango dira.
3.    Hornitzaileak hitzartutako mota eta kalitateko salgaiak entregatu behar ditu. Halaber, produktuei aplikagarri zaizkien xedapenak zentzu guztietan betetzen dituzten salgaiak entregatu beharko ditu, eta horiek egiteko azken teknologiaz baliatu beharko da. Gainera, ondasun eta zerbitzuek Erosleak aurreikusitako erabilerarako egokiak izan beharko dute. Hortaz, Kontratua burutzean jakinarazi edo aurreikusi den erabileraren helburua garrantzi handikoa izango da. Zalantzak badaude, Hornitzaileak horri buruzko informazioa eskatuko dio Erosleari. Helburu horrek atzerrian produktua erabiltzea badakar, han aplikagarri diren xedapenak ere bete beharko dira. Espainiako eta Europar Batasuneko araudiak edota beste edozein aplikagarri (segurtasuna, babesa, arau teknikoak, ingurumenari buruzko legeria eta segurtasunari eta istripuen prebentzioari buruzko xedapenak gai dituztenak) beti eta dagokion neurrian bete beharko dira.   
4.    Hornitzaileak salgaiaren eta zerbitzuen kalitatea aztertuko du etengabe, eta, beharrezkoa izanez gero, hobekuntza posibleak proposatuko ditu; horretarako, Eroslearekin lankidetzan aritu beharko du. Hornitzaileak une oro izango du kalitatea bermatzeko sistema bat (QAS), eta Erosleari aukera emango dio bere QASi buruzko dokumentazioa ikuskatzeko, eta bere instalazioetara sartzeko aukera ere emango dio, QAS ohiko lan-ordutegian azter dezan.
5.    Erosleak hainbat eskari egin baditu salgai edo zerbitzu jakin batzuetarako, Hornitzaileak unean-unean eman beharko dio salgaiaren eta zerbitzuen kalitatean egin beharreko aldaketen berri, ondorengo beste edozein eskari onartu aurretik, bereziki fabrikazio-prozesuari edo osagaiei, pieza integralei eta lehengaiei dagokienez, nahiz eta aldaketa horiek ezarritako zehaztapenean sartuta egon. Aldatzen den salgaia, baita ezarritako zehaztapenetik desberdina dena ere, Eroslearen aldez aurreko eta idatzizko baimena lortu ondoren bakarrik entregatu ahal izango da, eta, adostutakoaren arabera, aldaketa horiek identifikatu ondoren. 
6.    Hornitzaileak Erosleari segurtasun-datuen fitxaren azken bertsioa eta entregatutako salgaiari buruz eskatu ez den informazio teknikoa bidaliko dizkio, eta, beharrezkoa izanez gero, dokumentazio horren aurreko zein bertsio ordeztu beharko den zehaztuko du.     
7.    Hornitzailearen ordezkariek edo agenteek Eroslearen instalazioetan jarduten badute, Hornitzaileak jarraibideak eman beharko dizkie aplikatu beharreko xedapen guztien arabera jardun dezaten; zehazki, istripuen prebentzioari buruzkoak eta aplikatu beharreko gainerako araudiak.   
8.    Hornitzaileak ziurtatuko du bai berak bai bere azpikontratistek aplikatu beharreko lege-xedapen guztiak betetzen dituztela. Zehazki, Hornitzaileak bere gain hartzen du Espainiako legeriaren edota aplikagarri den beste edozein legeriaren arabera beharrezkoak diren baimenak ematen direla bermatzeko betebeharra. 
9.    Hornitzaileak kalte-ordaina eman eta erantzukizunetik salbuetsiko du Eroslea, aurreko paragrafoetan aurreikusitakoak ez betetzearen ondorio diren edo horiekin loturiko hirugarrenen(agintariak barne) edozein erreklamazioren aurrean. Hornitzaileak ez du erantzun beharko xedapen horiek ez betetzeagatik, ez badu betebeharren bat urratu. Eroslearen gainerako eskubideak eta lege- eta kontratu-erreklamazioak ez dira ukituko.
10.    Erosleak entregaren balorazioa kalitate-irizpideen eta entrega-epeak betetzearen arabera egingo du.

VII.    Produktu akastunengatiko erantzukizuna

1.    Hornitzaileak etengabe aztertuko du salgaia, besteak beste, produktuaren segurtasunari dagokionez, eta hala egiaztatu beharko du, Erosleak hala eskatuta. Horren berri izan bezain laster, Hornitzaileak salgaiak prozesatzearekin edo erabiltzearekin lotutako arriskuen berri emango dio Erosleari. 
2.    Kalterik badago, Hornitzaileak arrazoizko modu guztietan emango dio laguntza Erosleari; hain zuzen, ondasun eta zerbitzuei buruzko informazio egoki guztia emango dio, adibidez, entregatutako materialari, fabrikazioari edo jatorriari dagokienez. 
3.    Hirugarren batek erreklamazio bat aurkezten badu Eroslearen aurka, salgaiak edo zerbitzuak eragindako akatsak edo beste edozein akats edo kalte daudelako, eta, hirugarrenaren ustez, Hornitzailearen kontrol- eta antolaketa-eremuren ondorioz, Hornitzaileak Erosleari kalte-ordaina eman beharko dio eta erantzukizunetik salbuetsi beharko du erreklamazio horren aurrean, eta bere gain hartu beharko lukeen erantzukizunik gabe utzi. Erosleak produktua kendu behar badu Hornitzaileari egotz dakiokeen akats bat edo beste edozein akats edo ez-betetze dagoelako, Hornitzaileak Erosleari itzuli beharko dizkio produktua kentzeak eragindako gastu guztiak, salbuespenik gabe. Erosleak produktua kentzearen edukiaren eta norainokoaren berri emango dio Hornitzaileari, eta oharrak egiteko aukera emango dio.  
4.    Hirugarren batek erreklamazio bat aurkezten badu Eroslearen aurka, Hornitzaileak egindako entregak hirugarrenen jabetza intelektualeko eskubideak (adibidez, patenteak, marka erregistratuak, egile-eskubideak) urratzen dituelako, Hornitzaileak kalte-ordaina eman beharko dio Erosleari, eta erantzukizunetik erabat salbuetsi beharko du erreklamazio horren aurrean. Hornitzaileak jabetza intelektualeko eskubideen balizko arau-hauste bat ezabatzen lagunduko du, informazioa emanez eta, hala badagokio, Produktua aldatuz edo bidezko diren lizentzia edo baimen guztiak lortuz. Hornitzaileak unean-unean emango dio Erosleari hirugarrenek aurkeztutako erreklamazioen berri.  
5.    Hornitzaileak produktu akastunengatiko erantzukizun-asegurua kontratatu eta indarrean izango du, Kontratuaren balio ekonomikoa osorik estaltzen duen zenbatekoan, bai eta jaso daitezkeen kalteengatiko edozein erreklamazio ere, lesio pertsonalak barne. Erosleak aldez aurretik eskatuta, Hornitzaileak aseguru horren kontratazioa egiaztatzen duten frogak aurkeztu beharko dizkio. 
6.    Hornitzailea ez da izango VII. Klausula honetan jasotako aurreko xedapenak ez betetzearen erantzule, baldin eta ez badu betebeharren bat bete. Eroslearen gainerako eskubideak eta lege- eta kontratu-erreklamazioak ez dira ukituko.

VIII.    Konfidentzialtasuna, Publikotasuna

1.    Hornitzaileak bere merkataritza-harremanaren esparruan Eroslearengandik lortutako datu enpresarial eta teknikoen konfidentzialtasunari eutsiko dio, eta Kontratua behar bezala betetzeko behar diren neurrian baino ez ditu erabiliko. Aurrekoa, zehazki, “isilpeko” gisa sailkatutako informazioari eta Erosleak emandako dokumentu, eredu, lagin eta antzeko materialei aplikatuko zaie..
2.    VIII. Klausularen (1) atalean aipatutako betebeharra ez da aplikatuko informazio honi dagokionez: a) Kontratua egin zen unean edo geroago Hornitzaileak ezagutzen zuena, horretarako konfidentzialtasun-betebeharren bat bete ez bazuen ere, b) Kontratua egin zen unean publikoa zena, edo geroagoko une batean publikoa izatera igaro zena; edo c) Hornitzaileak agindu administratibo edo judizial bat betez  jakinarazi behar duena, eta Erosleari horrela jakinarazi diona.
3.    Hornitzaileak ez du baimenik legezko harremanak publizitate-helburuekin erabiltzeko, ezta beste argitalpen batzuetan sartzeko ere, Eroslearen aurretiazko eta idatzizko baimenik gabe.
4.    Agiri, lagin, eredu eta antzeko materialen gaineko eskubide guztiek -bereziki, egile-eskubideak, patenteak edota jabetza intelektual edo industrialeko beste edozein eskubide– Eroslearenak izaten jarraituko dute. Erosleak Hornitzaileari edo haren bazkideei, arduradunei eta abarrei lagin, marrazki tekniko edo bestelako moduan aurkeztutako dokumentazioa Erosleari itzuli beharko zaio Kontratua iraungi ondoren edo Kontratua formalizatzen ez bada. 
5.    VIII. Klausularen (1) idatz-zatiaren araberako konfidentzialtasun-betebeharraren errudun den ez-betetze indibidual bakoitzerako, eta (2) idatz-zatian aipatutako salbuespenetako bat ere ez badago, ez-betetze horrek eragin ahal izan dizkion kalte edo galerak ordaindu beharko dizkio Hornitzaileak Erosleari, salbuespenik gabe.

IX.    Aurreikusi gabeko kasuak

1.    Kontratua ezinbesteak bultzatuta, zehazki, gerra-egoera batek, antzeko gerra-baldintzek, osasun-larrialdiak, hondamendi naturalek, istripuek, lan-gatazkek, gobernu- edo politika-agintarien nahiaren mende dauden egintzek, hornidura elektrikoa eteteak edo uholdeek bultzatuta betetzen ez bada, Hornitzaileak Eroslearekin negoziatu beharko ditu Kontratuari egin beharreko egokitzapenak, eta bi alderdiek konpromisoa hartu beharko dute konponbideak adosteko.   
2.    Aurreko kasu horien ondorioz azkenean ezinezkoa bada Kontratuaren xedea garatzea, alderdietako edozeinek Kontratua eteteko ahalmena izango du. Etenez gero, bi alderdiek merkaturatzeko arrazoizko ahaleginak egingo dituzte hura suspertzeko,egoerak ahalbidetzen duen bezain laster, eta, ahalegin horiek egin arren, ezinezkoa bada, alderdietako edozeinek Kontratua amaitutzat emateko ahalmena izango du. 
3.    Bi kasuetan (etetea eta amaitzea): (i) Hornitzaileak kobratu beharreko prezioa Kontratua eten edo amaitu arte benetan eman diren zerbitzuetara mugatuko da, eta alderdietako batek ere ez du bere gain hartuko aurrez aipatutako ustekabeko kasuek beste alderdiarentzat izan ditzaketen zuzeneko edo zeharkako ondorio, inpaktu edo ondorioengatiko erantzukizunik. Aurrekoa gorabehera, Erosleak Hornitzailearen aurka dituen gainerako eskubide eta lege- eta kontratu-erreklamazioak ez dira egoera horien eraginpean egongo.    

X.    Bermea ematea, errebokatzea/deuseztatzea

Erosleak bermeak emateko eskatu ahal izango dio Hornitzaileari, hark egin beharreko aurrerakinetarako, baldin eta, kontratua burutu ondoren, Hornitzaileak finantza-kaudimena edo sinesgarritasuna nabarmen narriatzen badu, eta horrek Eroslearen edozein entrega edo erreklamazio arriskuan jar badezake. Hornitzaileak ez badu berme hori ematen Erosleak horretarako ezarritako arrazoizko epearen barruan, Eroslea ez da behartuta egongo aurrerakinak egitera, eta Kontratua erabat edo partzialki deuseztatu ahal izango du. Deuseztatzeak ez die eragingo Eroslearen aldeko gainerako eskubide eta erreklamazio legal eta kontratuei.     

XI.    Arau aplikagarriak 

1.    Hornitzaileak esportazioaren kontrolari, aduana-eskubideei eta kanpo-merkataritzari buruz Estatuan, Europako Erkidegoan eta nazioartean aplikatzekoak diren arau guztiak bete beharko ditu, aplikagarriak izanez gero. Halaber, Erosleari jakinarazi beharko dio, idatziz eta eskaera egin eta gehienez ere 7 egun naturaleko epean, kanpo-merkataritzari esportazioaren, inportazioaren eta berresportazioaren arloan aplikatu beharreko arauak betetzeko Erosleak eskatutako edozein aldaketa, edozein informazio eta edozein datu.
2.    Erosleak Kontratua betetzeko duen betebeharrak baldintza hau bete beharko du: Kontratua betetzea ez da zapuztuko kanpo-merkataritzari, bahiturei edo bestelako zehapenei aplikatu beharreko araudiaren ondoriozko eragozpenengatik.

XII.    Azken xedepenak 

1.    Kontrakorik xedatu ezean, Espainiako legeria aplikatuko zaio Kontratuari. 
2.    Kontratuaren banakako xedapenek edo klausulek betearazteko indarrik ez izateak ez du eraginik izango Kontratuan xedatutako gainerako xedapenen edo klausulen eraginkortasunean eta betetzean. 
3.    Eroslearen helbideko Epaitegi eta Auzitegiek eskumen esklusiboa izango dute Kontratuaren ginean sor daitekeen edozein eztabaidaz arduratzeko. Hala ere, Erosleak legezko akzioak aurkeztu ahal izango ditu Hornitzailearen aurka eskumena duen beste edozein epaitegi edo tribunaletan.   

XIII.    Norberaren datuen babesa 

1.    Datuen babesari buruzko araudiarekin bat etorriz, Kontratuaren sinatzaileen identifikazio-datuak, NANaren edo agiri baliokidearen zenbakia, kargua eta sinadura, kontratu-harremana iraunaraztea kudeatzeko erabiliko dira, eta datuak adierazitako moduan tratatzeko baimena emango da.  
2.    Datu horien tratamendua legitimatzen duen oinarria alderdien artean sinatutako Kontratua da; beraz, datu pertsonalak gorde egingo dira Kontratua amaitu arte. Datuak behar bezala blokeatuta gordeko dira, datuak betearaztetik erantzukizunak ondoriozta daitezkeen bitartean, baita legezko beste betebehar batzuk betetzeko ere.    
3.    Datu horiek ez dira hirugarren herrialde edo nazioarteko erakunde batera transferituko, eta ez zaizkie hirugarrenei jakinaraziko, legezko betebehar batek hala eskatzen badu edo kontratua gauzatzearen ondorioz beharrezkoa bada behintzat.
4.    Halaber, Erosleak adierazten du, Kontratua gauzatzearen ondorioz Hornitzaileak eskuratu ahal izango dituen datu pertsonalen tratamendua, Hornitzailearen ardurapekoa dena, konfidentzialtasun zorrotzenaren pean egingo dela, baita RDPG erregelamenduak nahiz LOPD  legeak ezartzen dituzten betebeharrak eta bermeak erabat betez ere, eta jakinarazten zaizkion datu pertsonalak alderdien arteko kontratu-harremana kudeatzeko tratatuko dituela.  
5.    Erosleak beharrezko neurri teknikoak eta antolamenduzkoak hartuko ditu datu pertsonalen segurtasuna bermatzeko eta datu horiek aldatu, galdu, baimenik gabe tratatu edo eskuratu ez daitezen, baita interesdunen datu pertsonalak hirugarren pertsonei edo erakundeei jakinaraz ez diezazkieten ere, legez aurreikusitako kasuetan eta bermeekin izan ezik.   
6.    Edonoiz baliatu ahal izango dira datuen babesaren arloan aplikatzekoa den araudiak ematen dituen eskubideak (datuak eskuratu, zuzendu, ezabatu eta mugatzekoak, horien eramangarritasunari buruzkoak, horiei aurka egitekoak, eta banakako erabaki automatizatuen xede ez izatekoa), NANaren edo dokumentu baliokidearen fotokopia aurkeztuta eta eskatzen den eskubidea identifikatuta; horretarako, tratamenduaren arduradunaren helbidera idatziko da, idazkian “Norberaren Datuen Babesa” adierazita. 
7.    Erosleak beretzat gordetzen du Hornitzailearen datu pertsonalak publizitate-, sustapen- edo merkataritza-helburuetarako gordetzeko eskubidea, Hornitzaileak berariaz kontrakoa jakinarazten ez badu behintzat.